19:56 / E Shtunë, 28 Nëntor 2020 / A K

Ura e Bosforit në Stamboll “mbulohet” nga ngjyrat kuq e zi

Pas kullës më të lartë në Dubai, Burj Khalifa edhe ura e famshme e Stambollit është “veshur” kuq e zi.

Me rastin e 28 Nëntorit, festës së Pavarësisë, ura e Bosforit është mbuluar mbrëmjen e sotme me drita kuq e zi, në shenjë respekti për ditën më të veçantë për kombin shqiptar.

Pamjet nga Stambolli i ka publikuar kreu i grupit parlamentar të PS, Taulant Balla, ndërsa falënderon Turqinë për gjestin e veçantë.

Ndërkohë, mbrëmjen e sotme kulla më e lartë në Dubai, Burj Khalifa vendosi në sfond flamurin kuq e zi.