Urologët nuk njohin kufij, bëhen bashkë në Kosovë

Urologë nga Amerika, Gjermani, Turqia, Greqia, Kroacia e vende të tjera janë duke marrë pjesë në Kongresin e 13-të të Shoqatës së Urologëve të Kosovës.

Kryetari i Shoqatës së Urologëve të Kosovës, Xhevdet Quni, ka ndarë disa momente nga mbajtja e kongresit, duke thënë se shkencëtarët nuk njohin kufij dhe se ata janë prezantuesit më të mirë të një shteti.

“Vazhdojmë me prezantimet shkencore në kuadër të Kongresit të 13-të të Shoqatës të Urologëve të Kosovës me pjesëmarrje të kolegëve nga SHBA, Shqipëria, Turqia, Greqia, Kroacia, Sllovenia, Maqedonia Veriore, Gjermania. Shkencëtaret janë prezantuesit më te mirë të një shteti, ata nuk njohin kufij”, ka thënë Quni në Facebook përcjellë Indeksonline.