Ushtarët gjermanë të KFOR-it organizojnë ekspozitë armësh në Bondsteel për kolegët amerikanë

 Në Kampin Bondsteel, ushtarët gjermanë të KFOR-it nga Komanda Rajonale-Lindje, i ekspozuan armët për të mirëpritur trupat amerikane.

Sipas njoftimit të KFOR-it, ky aktivitet u ofroi trupave amerikane një mundësi praktike për t’u njohur me pajisjet ushtarake gjermane dhe për të shkëmbyer njohuri operacionale.

“Përtej demonstrimit të kapaciteteve, ky aktivitet forcoi mirëkuptimin e ndërsjellë, rriti ndërveprueshmërinë dhe thelloi bashkëpunimin profesional mes partnerëve të NATO-s”, thuhet në njoftim.

Tutje, KFOR-i tha se iniciativa të tilla luajnë një rol kyç në ruajtjen e gatishmërisë dhe në kontributin për sigurinë dhe stabilitetin afatgjatë në rajon.