Vajza e verbuar nga sulmi me acid, gjen dashurinë në shtratin e spitalit (Foto)

Pramodini Rual, e cila njihet me emrin Rani nga familja dhe shokët e saj, ka qenë vetëm 15 vjeçe kur ushtar paramilitar ka hedh acid në fytyrën e saj, duke e bërë që fytyra e saj të dëmtohet shumë dhe të mbetet e verbër- vetëm për shkak se ajo kishte refuzuar propozimin e tij për martesë.

Rani ishte duke u kthyer në shtëpi pas një provimi me kushëririn e saj kur 28 vjeçari ka hedhur acid në fytyrën e saj.

Ajo ka kaluar katër muaj në spital dhe kishte qëndruar në shtrat për katër vjet më pas, duke u kujdesur nëna e saj për të.

Ajo ka kaluar nëpër pesë operacione rindërtuese, njëra prej të cilave ka rifunksionalizuar vizionin e pjesshëm të syrit të saj të majtë dhe ka qenë në dhimbje fizike dhe mendore për gati një dekadë, transmeton Indeksonline.

Ajo nuk është gjendje të ndjek një rast kundër sulmuesit të saj. Ai e kishte korruptuar policinë kur kishte bërë sulmin dhe vazhdoi t’i propozoi martesë Ranit edhe pasi i shkaktoi dëmtimin e rëndë.

“Unë jam ende duke pritur ditën kur sulmuesi d o të arrestohet dhe do të vihet prapa hekurave”, ka thënë Rani.

“Policia kishte ardhur për të regjistruar deklaratën time pas sulmit. Por policia nuk duket ta ketë marrë seriozisht çështjen. Ata nuk e arrestuar sulmuesin përkundër detajimit të identitet të tij.  Në të vërtetë, për habinë, ata gënjyen dhe mohuan ekzistencën e një personi të tillë me këtë emër”, ka thënë Rani.

Megjithatë, ajo ka arritur të dashurohet. Megjithëse kur ishte shtrirë në spital nuk pritej që të lulëzonte ndonjë histori dashurie, mirëpo një gjë e tillë ndodhi.

Përderisa Rani qëndronte e shtrirë në spitalin e saj, duke pritur për trajtim, ajo u takua me Saroj Kumar Sahoo.

Saroj ishte një mik i një infermiere që i jepte trajtim Ranit. Në një nga vizitat e tij në spital ai pa që nëna e Ranit qante dhe doli për t’i ofruar ndonjë mbështetje”.

Ne u takuam në mars të vitit 2014 kur ai kishte ardhur me miqtë e tij për të vizituar spitalin”, kujton Rani. “Fillimisht nuk flitnim me njëri-tjetrin, edhe pse më kishte parë. Megjithatë rreth 15 ditë më pas ai filloi të flas me mua. Ai shpesh e vizitonte spitalin. Unë besoj se ai e pa nënën time dhe e vëzhgoi atë dhe më pas filloi ngadalë të zgjeronte duart  për ndihmë. Ajo gjithmonë do të vinte vetëm për terapinë time të fizikës. Një ditë e dëgjova nënën time teksa i pyeste doktorët për përmirësimin tim dhe se sa do të duhej që unë të shërohesha. Përgjigja nuk ishte shumë pozitive pasi mjekët thanë se do të duhej të paktën katër vjet që të mund të ecja”, ka treguar Rani.

“Në atë kohë nëna ime filloi të qante dhe në këtë moment ishte Saroj që e ngushëlloi atë dhe e siguroi se do të bënte gjithçka që të më bënte të ecja”.

Prej atëherë Saroj vizitoi Ranin çdo ditë, madje duke lënë punën e tij në mënyrë që të mund të kalonte ditët duke u përkujdesur për Ranin.

“Ai ishte jashtëzakonisht i kujdesshëm dhe kujdesej për nevojat e mia. Ai do të fliste me mua për orë të tëra dhe më motivonte. Ishte një kohë e vështirë për mua kur mjekët më thanë se nuk do isha në gjendje të ecja për katër vite”.

Kështu edhe kishte vazhduar për katër vite.

Sado që nuk mund ta shihet Sarojun, Rani filloi të binte në dashuri me të.

Në janar 2016, Saroj i shprehi ndjenjat që kishte për të, por Rani nuk ishte gati të angazhohej në një marrëdhënie.

“Edhe unë kisha rënë në dashuri dhe ia kam thënë atij. Por gjithashtu e dija se dashuria ishte ndryshe nga hyrja në një marrëdhënie. Përderisa nuk isha e aftë të kujdesesha për vetën time, si mund ta bëja dikë të lumtur. Kështu që nuk u pajtova me të. Por ishte ai që më inkurajoj, duke më thënë të mos mendoj shumë. Më siguroi se do të vinte disa kur unë nuk do të isha në gjendje të shoh botën, por do të isha në gjendje t’i bëja të tjerët të lumtur. Ai gjithmonë kishte besim te unë”, ka thënë më tej Rani.

Ngadalë besimi i Ranit u rrit dhe dashuria e çiftit u rrit me të.

Ata kanë jetuar së bashku për një vit dhe planifikojnë të martohen- duke pritur që Rani të ketë operacion të mëtejshëm rindërtues para e të kenë këtë festë të madhe./Indeksonline/