Vajzës që tentoi të hidhet nga hoteli në Prishtinë po i kryhen kontrollet mjekësore
Indeksonline pak më parë raportoi se një vajzë ka tentuar të hidhet nga “Hotel Prishtina”, ndërsa lidhur me këtë është deklaruar Policia e Kosovës.
Zëdhënësja e Policisë për rajonin e Prishtinës, Flora Ahmeti tha se veprimet e shpejta dhe mirë koordinuara policore kanë rezultuar me kontrollimin e situatës si dhe parandalimin e pasojave të ngjarjes.
Ndërsa vajzës, ekipët e mjekëve emergjent po i bëjnë kontrollet e duhura mjekësore.
“Rreth orës 09:40 është raportuar se në rrugën “Ukshin Hoti” në Prishtinë, një person dyshohet se po tenton të hidhet nga lartësia e një objekti.
Menjëherë policia ka dalë në vendin e ngjarjes me të gjitha njësitë përkatëse përfshirë këtu edhe specialistin e negocimit.
Veprimet e shpejta dhe mirë koordinuara policore kanë rezultuar me kontrollimin e situatës si dhe parandalimin e pasojave të ngjarjes, ndërkohë që personit në fjalë ekipet e mjekëve emergjent po i bëjnë kontrollet e duhura mjekësore”.