VAR-i i dha penallti në fund, Ballkani ia shkakton humbjen e parë Ferizajt

Skuadra e Ballkanit ka shënuar fitore në një teren të vështirë në Ferizaj me shifrat 1:3, në ndeshjen e javës së tretë në Superligë.

Ishte një penallti e akorduar për mysafirët në minutat e fundit, që ia dhuroi tri pikë ekipit nga Suhareka, shkruan Indeksonline

Sulmuesi, Valendin Serebe shënoi nga pika e bardhë e penalltisë për t’ia siguruar tri pikë Ballkanit.

Në sekondat e fundit, i njëjti lojtar realizoi edhe golin e tretë për ekipin mysafir, për ta vulosur fitoren.

Me fitore, Ballkani shkon në kuotën e pesë pikëve në pozitën e katërt, kurse Ferizaj mbetet në pozitën e tretë me gjashtë pikë./Indeksonline/