VAR “verbohet” edhe në Angli, Cityt iu mohua një penallti e pastër

Manchester City ia ka dalë të fitojë me rezultatin e pastër 0-2, derbin ndaj Manchester United. Megjithatë, shifrat për “Qytetarët” mund të ishin edhe më të thella duke qenë se në fundin e lojës, saktësisht në minutën e 88, Gabriel Jesus rrëzohet në zonë si pasojë e një kontakti me Alex Telles.

Një rast flagrant për të akorduar 11-metërsh pasi edhe përsëritja e momentit tregoi qartësisht ndërhyrjen e gabuar nga mbrojtësi brazilian në dëm të sulmuesit të “citizens”. Ndërkohë, për t’u habitur edhe mosreagimi nga ana e VAR duke vazhduar normalisht lojën dhe pa korrigjuar gabimin e gjyqtarit kryesor. /IndeksOnline/