Vazhdon bashkëpunimi mes Komitetit Paralimpik dhe Bashkimit Evropian

Presidentja e Komitetit Paralimpik të Kosovës, Njomza Emini, gjatë ditës së djeshme ka takuar Ambasadorin e Bashkimit Europian në Kosovë, Tomáš Szunyog.

Gjatë takimit u vlerësua angazhimi i jashtëzakonshëm i Komitetit Paralimpik të Kosovës për avancimin e të Drejtave të Personave me Aftësi të Kufizuara (me theks të veçant në Aktivitete Sportive).

Krahas ndërkombëtarizimit të lëvizjes paralimpike u trajtua edhe mbështetja për gjithëpërfshirje në Kosovë për të nxitur realizimin e të Drejtave të Personave me Aftësi të Kufizuara.

E rëndësishme të theksohet është përkushtimi i shoqërisë civile dhe strukturave partnere vendore dhe ndërkombëtare, për të ndikuar në arritjen e realizimit të së drejtave dhe ëndërrave duke avancuar pozitën sociale në shoqëri.

Ka qënë i domosdoshëm angazhimi i përbashkët si dhe bashkë u zotuan në bashkëpunim të mëtutjeshëm për të vazhduar rezultatet e mira.

Ky takim u realizua në kuadër të takimeve të ndërsjella me partner dhe organizata ndërkombëtare që bashkëpunon tashmë e një kohë Komiteti Paralimpik i Kosovës.