Vdekja e majorit Klodian Tanushi, flamuri shqiptar ulet në gjysmështizë në bazën e NATO-s

Pas ndarjes nga jeta të majorit Klodian Tanushi, në bazen e NATO-s “Camp Arena” ne Herat Afganistan flamuri shqiptar eshte ulur ne gjysme shtize. Kontigjenti i V-te Paqeruajtes nderon vepren sublime te deshmoreve te rene Letoni. Majori 39-vjeçar nderroi jete ne spital, pa mundur t’u mbijetoje plageve ne shpërthimin e së hënës, ku u vra edhe 32- vjeçarja Zarife Hasanaj.

Klodian Tanushi ndodhej i shtruar në “RIGA EAST UNIVERSITY HOSPITAL”, në Letoni dhe sipas Ministrisë së Mbrojtjes, gjendja shëndetësore e tij ishte e rënduar. Mbrëmjen e djeshme, ai nuk ka mundur t’u mbijetojë plagëve dhe ka ndërruar jetë.

Major Klodian Tanushi ishte i martuar dhe baba i tre fëmijëve. Më 20 dhjetor 2018 ishte dërguar me mision në Operacionin Ushtarak të NATO-s në Riga, Letoni, në përbërje të grupbatalionit kanadez me detyrë Komandant i Kontingjentit shqiptar dhe përfaqësues i lartë ushtarak, me afat qëndrimi 6-mujor.

Gjatë karrierës së tij është vlerësuar me Medaljen e “Karrierës” nga Komandanti i Forcës, “Medaljen e Shërbimit” nga Shefi i Shtabit të Përgjithshëm, Medalje “Shërbimi në mision jashtë vendi” si dhe Medaljen “Për pjesëmarrje në shërbime ndërkombëtare” nga Ministri i Mbrojtjes.