Vdes në moshën 43 vjeçare aktorja e njohur

Aktorja belge, Emilie Dequenne, ka vdekur nga kanceri në moshën 43-vjeçare.

Dequenne u bë e famshme kur fitoi çmimin për aktoren më të mirë në Festivalin e Filmit në Kanë në moshën 18 vjeçare për filmin Rosetta në 1999, shkruan BBC.

Ajo fitoi një çmim tjetër të Kanës për A Perdre la Raison (Fëmijët tanë) në 2012 dhe mori çmimin Cesar, një nga nderimet kryesore të filmit francez, për Les Choses Qu’on Dit, les Choses Qu’on Fait (Gjërat që themi, gjërat që bëjmë) në 2021.

Ajo luajti kryesisht në filma në gjuhën franceze, por gjithashtu u shfaq si oficer policie Laurence Relaud në dramën televizive të BBC në vitin 2014, The Missing.