Goditet nga rrufeja, vdes 51-vjeçari nga Peja

Një burrë nga fshati Kusoriq të Pejës ka vdekur sonte rreth orës 19:25, pasi që është goditur nga rrufeja. Indeksonline, meson se viktima është një burrë i moshës 51-vjeçare.

Lajmin për IndeksOnline e ka konfirmuar, Driton Rugova, zëdhënës i Policisë së Kosovë për Rajonin e Pejës.

“Sot, rreth 19:25 një person është sjellë në Spitalin Rajonal në Pejë, i cili sipas ekipit mjekësor, është goditur nga rrufeja dhe nuk ka arritur të mbijetojë. Vdekjen e viktimës e ka konfirmuar ekipi mjekësor”, tha Rugova./IndeksOnline/