Vdes një person, ra nga muri rrethues përgjatë kufirit SHBA-Meksikë

Autoritetet në Kaliforni kanë identifikuar personin që u gjet i vdekur përgjatë kufirit SHBA-Meksikë.

Efren Medina Villegas, 56 vjeç, u gjet pa ndjenja të enjten në mëngjes pasi ra nga muri rrethues në San Diego, transmeton Indeksonline.

Një agjent i Patrullës Kufitare e gjeti Villegas në atë vend rreth orës 7:45 të mëngjesit ndërsa Zyra e Kontrolluesit Mjekësor të qarkut dhe Departamenti i Sherifit u thirrën për të hetuar incidentin.

Pasi mbërriti personeli i shpëtimit, sipas zyrtarëve, Villegas u shpall i vdekur në vendngjarje.

Zyra e Ekzaminuesit Mjekësor e përshkroi vdekjen si një aksident.

Ende nuk është bërë e qartë nëse Villegas po përpiqej të hynte ose të dilte nga SHBA-ja apo në cilin vend është shtetas. McClatchy News u është drejtuar autoriteteve për sqarim.