Vëllau i këngëtarit Buta dyshohet se vrau me armë zjarri të riun në Ferizaj

Vëllau i këngëtarit Buta, Qëndrim Januzi, dyshohet se vrau mbrëmë të riun, Gazmend Hyseni me armë zjarri, shkruan IndeksOnline.

Sipas Policisë së Kosovës, rasti ka ndodhur mbrëmë pas mesnatës në rrugën “Rexhep Bislimi”  tek marketi ” Euro Market” në Ferizaj.

Afër vendit të ngjarjes,  një njësi e policisë me automjet zyrtar civil dhe pjesëtarë të policisë me rroba civile, në detyrë zyrtare,  kanë vërjetur të dyshuarin, Januzi me armë zjarri në dorë dhe kanë filluar fillimisht me urdhëra verbal ” ndal policia”  që të ndalet, por i dyshuari nuk ka përfillur urdhërat e policisë.

Autori i vrasjes me pistoletë në dorë, dyshohet që, në një moment i kthehet zyrtarëve policor dhe njeri zyrtar policor,  për ta shmangur rrezikun  e drejtpërdrejt ndaj tij, kolegut të tij dhe të tjerëve përreth, e përdor armën e zjarrit zyrtare , me një shkrepje në drejtim të të dyshuarit .

 I  dyshuari, menjëherë dërgohet për ndihmë mjekësore në Qendrën Emegjente në Ferizaj, e më pas për tretman të mëtutjeshëm mjekësor dërgohet në në QKUK – Prishtinë dhe sipas mjekëve,  gjendja shëndetësore e tij është stabile dhe jashtë rrezikut për jetën, ndërsa policia i ka marrë masat për sigurinë e tij./IndeksOnline/