Vendos FIFA – Anulon Kupën e Botës për U-20 dhe U-17 për shkak të pandemisë COVID-19

Përmes një njoftimi, FIFA ka bërë të ditur se sot ka vendosur që t’i anulojë Kupat e Botës U-17 dhe U-20 për shkak të pandemisë COVID-19.

“Pandemia COVID-19 vazhdon të paraqesë sfida për pritjen e ngjarjeve sportive ndërkombëtare dhe të ketë një efekt kufizues në udhëtimet ndërkombëtare,” tha FIFA në deklaratën e saj, transmeton lajmi.net.

“FIFA prandaj ka konsultuar rregullisht palët e interesuara përkatëse, duke përfshirë shoqatat dhe anëtarët, si dhe konfederatat e përfshira në të dy turnetë e planifikuar fillimisht për t’u zhvilluar në 2021”, u tha në komunikatë.

“Duke vepruar kështu, u bë e qartë se situata globale nuk ka arritur të normalizohet në një nivel të mjaftueshëm për të adresuar sfidat që lidhen me pritjen e të dy turneve, duke përfshirë edhe fizibilitetin e rrugëve përkatëse të kualifikimit”, deklaroi FIFA.

Shtetet e Bashkuara të Amerikës U-20 kanë arritur në çerekfinale në secilin prej tre Kupave të fundit Botërore U-20, ndërsa U-17 bëri çerekfinalet në 2017.