Vërshime të mëdha në fshatin Pogragjë të Gjilanit
Reshjet e shiut që kanë qenë sot kanë shkaktuar vërshime.
Në fshatin Pogragjë të Gjilanit, rruga është totalisht e bllokuar për shkak të vërshimeve, transmeton Indeksonline.
Pas reshjeve të jashtëzakonshme të shiut, kryetari i Komunës së Gjilanit, Lutfi Haziri, ka aktivizuar Shtabin Emergjent, i cili ka dalë menjëherë në terren.
Për momentin, situatë më e rënduar paraqitet në fshatin Sllubicë dhe Pogragjë, në disa shtëpi të banorëve që jetojnë afër lumit.
Kryetari Haziri ka kërkuar nga qytetarët e asaj pjese që në rast të përkeqësimit të situatës, të largohen përkohësisht nga shtëpitë e tyre, për ta parandaluar më të keqen./Indeksonline/