Verstappenin nuk e ndal as shiu i madh, arrin fitoren e nëntë radhazi
Lideri i Formula 1, Max Verstappen, festoi një fitore rekorde, të nëntën radhazi të dielën, pasi nuk e ndalën as të reshurat e mëdha të shiut për të fituar një Grand Prix të Holandës për të tretin vit radhazi.
Triumfi në shtëpi i pilotit të Red Bull nga pole position në një Zandvoort të lagur barazoi serinë e suksesit të kampionit botëror katër herë në pension, Sebastian Vettel në vitin 2013 me të njëjtin ekip.
Ishte gjithashtu triumfi i 14-të radhazi i Red Bull-it dhe i 13-ti i sezonit, me Çmimin e Madh të Italisë në Monza që vjen pas fundjavës së ardhshme.
Gara filloi mirë përpara se shiu të shkaktonte kaos në fund të xhiros së parë nga një shi i rrëmbyeshëm që ndaloi procedimin për 40 minuta në 65-ën nga 72 xhiro me makina që rrëshqitën vazhdimisht.
“E pabesueshme. Edhe pse shiu e vështirësoi tej mashe garën. Tepër krenar,” tha Verstappen pas garës.
Fitorja e 11-të e sezonit të Verstappen-it dhe e 46-ta në karrierën e tij, dha një shtysë tjetër të madhe drejt arritjes së titullit të tretë përpara fundit të sezonit.
