Veseli: Kosova së shpejti anëtare në Asamblenë e Frankofonisë

Kryeparlamentari Kadri Veseli priti në takim sekretarin e përgjithshëm të Asamblesë Parlamentare të Frankofonisë, Jacques Krabal.

Veseli pas takimit ka thënë se Kosova shumë shpejt do të jetë anëtare me të drejta të plota në asamblenë parlamentare të Frankofonisë dhe ky është një lajm i mirë.

Ndërsa, për çështjen e liberalizimit të vizitave, Veseli njoftoj se sot do të udhëtojë për në Starsburg.

Krabal deklaroi se Kosova ka aplikuar për anëtarësim në Asamblenë e Frankofonisë dhe të jetë anëtare në Farnkofoni me të drejta të plota.

Objektivë kryesore në Asamblenë e Frankofonisë, sipas tij, është gjuha dhe kultura, por edhe ekonomia.

“Objektivë e dytë është demokracia, Kosova ka bërë punë të mrekullueshme në këtë drejtim. Element i rëndësishëm edhe luftimi i korrupsionit, dialogu dhe paqja. Besoj se edhe procesi i liberalizimit është në rrugë të mirë”, tha ai.