Paralajmërohet seancë për buxhetin më 31 janar

Kryesia e Kuvendit në mbledhjen e sotme ka vendosur që më 31 janar të mbahet seanca plenare e Kuvendit të Republikës së Kosovës.

Me këtë seancë shënohet edhe fillimi i punimeve për sesionin pranveror të Kuvendit për këtë vit, raporton Indeksonline.

Në rend dite për seancën e radhës nuk parashihet buxheti për vitin 2019, që dështoi të miratohej në vitin e kaluar.

Ndërsa kryeparlamentari Kadri Veseli i paralajmëroi deputetët që të përfundojnë të gjitha procedurat nëpër komisionet parlamentare për projektligjin e buxhetit dhe paralajmëroi se javën tjetër pastaj do të ftohet seanca e re për datën 31 janar ku do të miratohet buxheti i vitit 2019 dhe statuti i Trepçës. /Indeksonline/