Veshjet e radhës të verës duhet t’i blini vetëm në këtë nuancë

Nuanca e këndshme dhe e freskët e blues, njohur ndryshe si bojëqielli, është rikthyer fuqishëm këtë sezon, duke dominuar pasarelat e markave të njohura si Miu Miu, Loewe dhe Bottega Veneta.

Kjo ngjyrë i jep një ndjesi të lehtë dhe të freskët gjithçkaje, nga fustanet dhe fundet elegante, te palltot klasike dhe aksesorët minimalistë.

Me një elegancë të përjetshme, kjo nuancë ka një sharm të jashtëzakonshëm.

Ajo kombinohet lehtësisht me ngjyra neutrale si bezhë, gri ose e bardhë, por edhe krijon kontraste të guximshme me tone më të errëta apo më të theksuara. Është zgjedhja perfekte si për veshjet e përditshme, ashtu edhe për raste më formale.

Nëse dëshironi të freskoni stilin tuaj me një ngjyrë që bie në sy, por pa qenë e zhurmshme, bojëqielli është padyshim investimi më i rafinuar për këtë sezon.