Vetëm një herë: Kur është aktivizuar Neni 5 nga NATO?
Dy raketa ranë në territorin polak dhe kryeministri polak Mateusz Moraëiecki thirri një mbledhje urgjente të Komitetit të Sigurisë dhe Mbrojtjes së qeverisë, tha zëdhënësi i tij.
Ekziston një shqetësim i madh se shpërthimi në Poloni mund të jetë shkelje e Nenit 5 të NATO-s, nëse konstatohet se ka ndodhur për shkak të një sulmi rus.
Për ata që nuk janë të njohur me traktatin themelues të NATO-s, Neni 5 fokusohet në mbrojtjen kolektive dhe është shkruar në një kohë kur blloku ishte nën kërcënimin e sulmit nga ish-Bashkimi Sovjetik.
Faqja e internetit e NATO-s e përshkruan atë si “Mbrojtja kolektive do të thotë që një sulm ndaj një aleati konsiderohet një sulm ndaj të gjithë aleatëve”.
Neni 5 është thirrur nga NATO vetëm një herë që kur u nënshkrua në vitin 1949, një ditë pas sulmeve terroriste të 11 shtatorit 2001 në Qendrën Botërore të Tregtisë dhe Pentagonin në Shtetet e Bashkuara.
Por ky nuk është një proces automatik; NATO duhet të vendosë, ose të votojë, për të aktivizuar Nenin 5. Nuk ka asnjë indikacion për momentin se kjo është e mundshme, pasi Polonia është ende duke hetuar rrethanat pas shpërthimit.
Jen Paski, sekretarja e shtypit e Shtëpisë së Bardhë gjatë administratës së parë të Joe Biden, postoi në Twitter këtë arsyetim.
Kujtojmë se zëdhënësi i Pentagonit Pat Ryder nuk ishte në gjendje të konfirmonte menjëherë nëse shpërthimet ishin rezultat i sulmeve me raketa ruse, por ai tha se Ministria e Mbrojtjes po punon për të konfirmuar këto raportime.
