Vetëvendosje: Kalludra po bën gjykim të fshehtë ndaj deputetëve tanë
Lëvizja Vetëvendosje ka reaguar ndaj gjyqtarit Kalludra i cili sot nuk ka lejuar që të transmetohet drejtëpërdrejtë nga seanca ku po gjykoheshin katër deputetët e VV-së.
Sipas kësaj partië, ky vendim tregon se po kryhet gjykim i fshehtë, përcjellë Indeksonline.
Ky është reagimi i plotë i Vetëvendosjes:
Kalludra po bën gjykim fshehtas e tinëz
Në gjyqin e padrejtë, sot ndaj deputetëve të Republikës Albin Kurti, Albulena Haxhiu, Donika Kadaj e Faton Topalli mediave i është ndaluar transmetimi i drejtëpërdrejtë i kësaj seance. Ky është tregues i qartë që këtu është qëllim padrejtësia, andaj u duhet që ta kryjnë këtë gjykim fshehtas.
Duke qenë se ky gjykim po bëhet për përfaqësuesit e popullit, është në interes të qytetarëve ta kuptojnë dhe ta dinë se si po gjykihen sot, përfaqësuesit e tij.
Duke ditur poashtu, që gjyqtari Kalludra ka një histori të dënimeve arbitrare pa prova e fakte e bën edhe më të rëndësishme publikim e seancave.
Në seancën e kaluar të kësaj çështje interesimi i publikut ishte shumë i lartë, që dëshmon edhe një herë se deputetët nuk janë vetëm dhe se qytetarët janë me ta.
/Indeksonline/