LIVE/ Shpend Ahmeti në shesh me qytetarët për të festuar fitorën e tij (Foto)

Simpatizantët e Vetëvendosjes kanë nisur të mblidhen në sheshin “Skënderbeu” në Prishtinë.

Ata po mblidhen të festojnë fitoren e Shpend Ahmetit, ndonëse sipas rezultateve të KQZ-së rezultati është shumë i ngushtë me Arban Abrashin e LDK-së.

Shpend Ahmeti ka festuar fitoren edhe për një mandat në krye të Prishtinës, ndërsa ka porositur se do të vazhdojë lufta kundër krimit dhe korrupsionit, si dhe përmirësimin e shërbimeve për qytetarët e kryeqytetit.

Ai u ka bërë thirrje të gjitha partive në asamblenë komunale të Prishtinës që t’i bashkohen programit të Vetëvendosjes për ndaljen e së keqes.

“Ende puna nuk ka përfunduar puna në luftën kundër korrupsionit dhe punët e mira që duhet t’i bëjmë në Prishtinë. Do të ndërtojmë shkolla e çerdhe, dhe do të përmirësojmë transportin publike, si dhe shumë punë tjera. Urime fitorja”, ka thënë ai. /Indeksonline/