Victor Valdes bëhet trajner i Barcelonës për U19

Spanjolli mori licencën e stërvitjes nga UEFA, pasi u tërhoq nga futbolli vitin e kaluar dhe tani është ribashkuar me Blaugranët.

Victor Valdes është emëruar si trajner i ri i Barcelonës për U19, duke u kthyer në Camp Nou pesë vite pas përfundimit të kohës së tij si lojtar në këtë klub, transmeton Indeksonline.

37-vjeçari ka grumbulluar 539 paraqitje për Barçën në të gjitha garat gjatë 12 sezoneve, duke fituar  21 tituj.

Ai nënshkroi një kontratë njëvjeçare në Camp Nou të premten në mëngjes me mundësinë e zgjatjes dhe ai do të fillojë të punojë me skuadrën e U19 më 29 korrik.

Barcelona ka lëshuar deklaratën e mëposhtme në faqen zyrtare: “Victor Valdes është kthyer në Barcelonë pasi nënshkroi një kontratë të premten në mëngjes për t’u bërë trajner i ri i ekipit të U19. Marrëveshja e lidh atë me klubin deri në qershor 2020”.

Ekipi i U19A do të fillojë përgatitjet e tyre para sezonit më 29 korrik dhe do të shfaqet në lojë për të hapur stadiumin e ri Johan Cruyff më 27 gusht kundër  skuadrës së të rinjve të Ajax ./Indeksonline/.