Victoria Beckham flet për rregullat e familjes së tyre tradicionale mes përplasjeve me Brooklyn
Victoria Beckham ka dhënë një pasqyrë të rrallë për dinamikën e saj “tradicionale” familjare me bashkëshortin David dhe fëmijët e tyre, teksa vazhdon të përflitet për përplasjet me djalin e madh, Brooklyn Beckham.
Dizajnerja e modës, në një intervistë për Elle, teksa promovonte serialin e saj dokumentar në Netflix, “Victoria Beckham”, foli edhe për momentin viral të “klasës punëtore” që u shfaq në dokumentarin e David-it, “Beckham”, në vitin 2023.
E pyetur nëse publiku do të shohë sërish skena të ngjashme argëtuese, Victoria qeshi dhe tregoi:
“Madje një nga fëmijët tanë tha: ‘Sa herë e xhiruat atë pjesë?’ Ne u përgjigjëm: ‘Jo, jo. Nuk ishte e përgatitur.’”
“Ky është stili i Beckham-ëve. Na pëlqen të argëtohemi. Na pëlqen të kalojmë kohë së bashku. Ne jemi një familje shumë tradicionale, më shumë seç mendojnë njerëzit,” shtoi ajo.
Sipas saj, kjo mënyrë jetese “tradicionale” përfshin darka familjare çdo ditë në orën 18:00, edhe nëse kjo do të thotë që puna të shtyhet më vonë, si dhe shërbimin e saj si shembull për fëmijët përmes etikës së fortë të punës.
“Gjithmonë jam përpjekur të jem nëna dhe gruaja më e mirë që mundem,” tha 51-vjeçarja.
“Pas sfilatës time të fundit, e mbaj mend aq qartë momentin kur fëmijët dhe David erdhën pas skenës. Sapo kisha dalë nga pasarela dhe kur pashë fytyrat e tyre, ishte një moment që më bëri të mendoj ‘sa me fat jam’, sepse e pashë sa krenarë ishin.”
Ajo shtoi: “Është e shëndetshme që fëmijët ta dinë se babai shkon në punë dhe mami shkon në punë. Puna më bën versionin më të mirë të vetes.”
Por, komentet e saj për unitetin familjar vijnë mes zërave për një përçarje të fortë me Brooklyn-in. Konfliktet nisën të përfliten që nga martesa e tij me aktoren Nicola Peltz në prill 2022.
Këto thashetheme u ringjallën këtë vit, kur u vu re mungesa e Brooklyn-it dhe Nicola-s në ditëlindjen e 50-të të David-it në maj, ndonëse pjesa tjetër e vëllezërve dhe motrës ishin aty: Romeo, 23 vjeç, Cruz, 20 vjeç dhe Harper, 14 vjeçe.
Në qershor, Page Six raportoi se Brooklyn, 26 vjeç, nuk kishte më kontakte me prindërit dhe motrat/vëllezërit e tij.
Së fundmi, tensionet u dukën edhe më qartë gjatë ceremonisë së rinovimit të betimeve mes tij dhe Nicola-s, ku Brooklyn-i la jashtë fjalimit prindërit e tij, duke u fokusuar vetëm te bashkëshortja dhe familja Peltz.
Një burim nga ceremonia tha për “Mirror”:
“Në qendër të zemrës së tij është Nicola, që e do shumë, por edhe familja Peltz që ka qenë gjithmonë pranë tij. Ai donte t’i falënderonte të gjithë dhe ishte i vendosur që të bënte drejtësi për ta.”
