Victoria Beckham nuk ka ndërmend të dalë në pension: “E dua shumë punën time”

Victoria Beckham ka zbuluar se nuk ka dëshirë të dalë në pension së shpejti sepse, siç thotë ajo, i pëlqen të punojë shumë.

Në një intervistë, ajo pranoi se jeta pa punë do të ishte “shumë e mërzitshme”, raporton People. “Më pëlqen ajo që bëj. I dua njerëzit me të cilët punoj”, tha Beckham, transmeton Indeksonline.

Ish-anëtarja e Spice Girls theksoi gjithashtu se dëshiron të jetë një shembull për fëmijët e saj. “Mendoj se është mirë që fëmijët të shohin sa e apasionuar jam për punën time”, tha ajo, duke shtuar se ajo dhe David Beckham janë përpjekur t’u ngulitin fëmijëve të tyre një etikë pune dhe një ndjenjë pasioni për atë që bëjnë.

Victoria ka folur hapur edhe për vështirësitë e markës së saj të modës në vitet e fundit. Në serialin e Netflix-it “Victoria Beckham”, ajo pranoi se kompania e saj dikur ishte në borxhe të mëdha. “Pothuajse humba gjithçka dhe ishte një kohë e errët”, tha ajo.

Ajo zbuloi se qante çdo ditë para se të shkonte në punë sepse ndihej si një person që nxirrte vazhdimisht probleme të reja. Ajo shtoi gjithashtu se e kishte të vështirë të diskutonte problemet e biznesit me bashkëshortin e saj David Beckham, i cili ishte gjithashtu partneri i saj në biznes./Indeksonline/