09:35 / E Premte, 19 Gusht 2022 / B O

Victoria dhe Beckham, plas lufta familjare: Ndihemi të poshtëruar nga nusja jonë…

Kohë e komplikuar për “Beckhams”. Victoria duket se është në mosmarrëveshje totale me Nicola Peltz, gruan e djalit të saj të parë, Brooklyn. Aktorja e re, vajza e miliarderit Nelson, është përpjekur t’i mohojë thashethemet e periudhës së fundit.

Në një intervistë për “Variety”, ajo shpjegoi se nuk kishte veshur një krijim të Victoria në ditën e saj të dasmës, sepse atelieja e ish-këngëtares së “Spice Girls” nuk mundi ta bënte këtë në kohë.

Fjalë që e kanë tërbuar vjehrrën e saj (ish-këngëtaren), tashmë stiliste dhe sipërmarrëse. “Victoria dhe burri i saj David janë shumë të zemëruar me pretendimet e Nicola, ata ndihen të poshtëruar.

Por ata kanë vendosur të mos përgjigjen publikisht. Situata tashmë është mjaft toksike”, – tha një burim për “Heat World”, i cili shtoi se Nicola preferoi të vishte një fustan tjetër nusërie (në fakt zgjedhja ra mbi një krijim të Valentinos).

“Beckhams” gjithashtu nuk e kanë kapërdirë dot përjashtimin e tyre total nga përgatitjet e dasmës. Familja Peltz, ndër më të pasurat në Amerikë, luajti një rol më të rëndësishëm. Dasma u mbajt në vilën e Nicola-s, në “Palm Beach”.