Vidal sqaron situatën pasi puthi logon e Juventusit

Inter-Juventus është gjithashtu një kryqëzim midis shumë ish-lojtarëve, të tillë si Arturo Vidal, i cili kaloi 4 vjet me bardhezinjtë, duke lënë një shenjë të pashlyeshme.

Para ndeshjes së mbrëmshme, kiliani ishte protagonist i një puthjeje të dyfishtë, ndërsa përshëndeste Giorgio Chiellinin, shokun e tij të vjetër në vitet e Torinos.

Ndërsa të dytë përqafoheshin dhe përshëndeteshin, para se të fillonte ndeshja, kiliani duket se po puthte logon e Juventusit në fanellën që mbante veshur kapiteni bardhezi.

Një rastësi e thjeshtë bëri që rrjeti të ziente. Sidomos për shkak se Vidali u bashkua me zikaltrit pasi i dha aq shumë Juventusit. Në fund të ndeshjes, e cila e pa Interin fitues ndaj Juventusit dhe Vidali duke shënuar golin e tij të parë në këtë kampionat, kiliani sqaroi se çfarë ndodhi me një postim.

“Synimi im nuk ka qenë kurrë të puth stemën e një ekipi tjetër. Puthja ishte një shfaqje e dashurisë për një vëlla që më dha futbolli, me të cilin kam jetuar vite të mrekullueshme. Ne e duam njëri-tjetrin. Unë respektoj ekipin tim, tifozët tanë dhe njerëzit që më besuan për të mbrojtur këtë klub. Do ta jap shpirtin tim për këtë. Forca Inter”.

Vidal accidentally kissed the Juventus badge before kick off ? pic.twitter.com/VduftSgVN4

— ESPN FC (@ESPNFC) January 17, 2021