Vietnami nis ndërtimin e stadiumit më të madh në botë
Vietnami ka nisur zyrtarisht ndërtimin e stadiumit më të madh në botë, i cili do të mbajë emrin “Trong Dong”.
Ky stadium do të ketë kapacitet prej 135,000 ulësesh, duke e bërë atë stadiumin me kapacitetin më të madh në nivel global, shkruan IndeksOnline.
Projekti parashikon një çati masive të lëvizshme (retractable roof), e cila do të mundësojë organizimin e ngjarjeve sportive dhe kulturore gjatë gjithë vitit, pavarësisht kushteve atmosferike. Stadiumi pritet të shndërrohet në një qendër multifunksionale për ndeshje futbolli, evente ndërkombëtare dhe koncerte madhore.
Sipas planit zyrtar, punimet tashmë kanë nisur dhe stadiumi “Trong Dong” pritet të përfundojë në vitin 2028.
Ky investim i madh konsiderohet si një hap strategjik për zhvillimin e infrastrukturës sportive në Vietnam dhe synon ta vendosë vendin në hartën e organizimeve të mëdha ndërkombëtare në vitet e ardhshme./IndeksOnline/
🚨 𝗧𝗛𝗜𝗦 𝗟𝗢𝗢𝗞𝗦 𝗜𝗡𝗖𝗥𝗘𝗗𝗜𝗕𝗟𝗘: Vietnam is building the BIGGEST STADIUM IN THE WORLD – The 'Trong Dong' stadium. 🤯🇻🇳
— Transfer News Live (@DeadlineDayLive) February 20, 2026
Construction has officially begun on a 135,000-seat stadium with a massive retractable roof.
It will be ready in 2028. 😍🏟️ pic.twitter.com/4wt5QsPqXd
