Vijon protesta në Tiranë, situata paraqitet e qetë

Përpara objektit të Kuvendit të Shqipërisë, vijon protesta e opozitës së bashkuar që kërkojnë dorëheqjen e Edi Ramës, ngritjen e një qeverie tranzitore dhe zgjedhje të lira.

Që prej orës 10:00 kur ka nisur protesta, nuk ka pasur asnjë moment tensioni, edhe pse disa protestues kanë hedhur flakadanë dhe tymosëse në drejtim të policisë.

Po ashtu, janë parë edhe goma të makinave që mund të digjen, ashtu sikurse ndodhi gjatë protestës së kaluar.

Gjithsesi, disa figura të rëndësishme të Partisë Demokratike janë në radhën e parë të proteuseve në afërsi të policisë e që po tentojnë që protestuesit të mos dalin jashtë kontrollit.

Protestuesve po iu drejtohen kandidatët për deputetë nga radhët e partive opozitare të cilët refuzuan që të marrin mandatet e tyre.