Vjedhja e arkës në AUV, flet drejtori i Agjencisë
Mëngjesin e sotëm është raportuar se ka ndodhur një vjedhje në Agjencinë e Ushqimit dhe Veterinarisë. Drejtori Ekzekutiv i AUV-it, Naser Krasniqi, është deklaruar për media pas këtij rasti.
Krasniqi nuk ka dhënë detaje se çka ka pasur në arkën e vjedhur.
Ai vetëm ka bërë të ditur se dyshohet që personat e involvuar në këtë rast kanë hyrë brenda ndërtesës në hyrjen e pasme të saj.
“Gjatë natës së mbrëmshme ka ndodhur një hyrje e paautorizuar. Me rastin besoj se janë duke vazhduar procedurat e policisë, çdo informatë më tutje mund të ndërhyjmë në procesin e punës së policisë. Derisa Policia të jep informata, nuk mund të japim më tepër. Nuk mundem për shkak se Policia ka marrë të gjitha konfirmimet. Hyrja nuk e dimë sakt nga kanë hyrë, thuhet se kanë hyrë nga ana e prapme”, ka deklaruar Krasniqi.