14:36 / E Premte, 24 Janar 2020

Vjen edhe largimi i katërt te Milani

Ashtu edhe siç u raportua, Milani ka filluar revolucionin në ekip.

Klubi rosoner pritet që të zyrtarizojë edhe largimin e katërt nga skuadra për këtë merkato.

Pas Reinas, Bornit dhe Caldaras, nga kuqezinjtë largohet edhe Ricardo Rodriguezi.

Sipas lajmeve të fundit, Federata turke ka miratuar kalimin e zviceranit te Fenerbache.

Këta të fundit kanë mbyllur gjithçka sa i përket marrëveshjes me lojtarin pak ditë më parë.

Formula e transferimit, do të jetë huazim me detyrim blerje për 5 milionë euro.

Rodriguez pritet të prezantohet si lojtari i ri i Fenerbahce nesër gjatë ditës.