Vjosa Osmani: Një vit me Covid19 – vetëm së bashku do ia dalim!

U.d së presidentes Vjosa Osmani me një videomesazh ka kujtuar se sot janë bërë një vit që nga rasti i parë me Covid19 në Kosovë, shkruan IndeksOnline.

Osmani tha se shumë gjëra mund të ishin bërë ndryshe por ende ka shanca për t’u bërë çdo gjë më mirë.

Ajo tha se deri në këto ditë do të bashkëpunoj me qytetarët duke marrë përgjegjësi e dhënë ndihmë.

Osmani tha se do të rikthehet gëzimi, muzika, puna, udhëtimet dhe do të kthehet ritmi i jetës ashtu siç e duam të gjithë.

“1 vit me COVID-19!

Vërtetë shumë gjëra mund të bëheshin ndryshe, por kemi ende shansin për të bërë çdo gjë më mirë.

Si në çdo sfidë, nuk duhet të dorëzohemi, deri sa të dalim fitimtarë.

E deri atëherë, të bashkëpunojmë, të marrim përgjegjësi, të ndihmojmë!

Vetëm së bashku mund t’ia dalim! Vetëm së bashku do t‘ia dalim!”, tha ajo.