Votimi i 21 prillit, KQZ-ja miraton mëditjet për pagesat e stafit në qendra të votimit dhe vendvotime

Komisioni Qendror i Zgjedhje ka miratuar mëditjet për pagesat e stafit të angazhuar në qendra të votimit dhe vendvotime për votimin e 21 prillit në katër komunat veriore të Kosovës.

Sipas vendimit të KQZ-së, 60 euro për një ditë do të paguhet menaxherët e qendrave të votimit, ndërsa njësoj do të paguhen edhe kryesuesit e këshillit të vendvotimit por për tri ditë (180 euro).

50 euro në ditë do të paguhen anëtarët e këshillit të vendvotimit në periudhë triditore dhe zyrtarët e tavolinës ndihmëse në qendër të votimit në periudhë prej 1 dite.

KQZ-ja ka vendosur që 45 euro në ditë të paguhet çdo anëtar rezervë në këshill të vendovotimit në periudhë dyditore, ndërsa 60 euro në ditë do të paguhet çdo shërbim i transportit për transportimin e materialit jo të ndieshëm dhe të ndieshëm zgjedhor në afatin dyditor.

30 euro do të paguhet çdo punëtor fizik për ngarkimin dhe shkarkimin e materialit zgjedhor.

Këto pagesa janë llogaritur në bruto dhe zyrtarët ekzekutiv dhe anëtarët e KKZ-ve që brenda 5 ditëve, pas ditës së votimit, t’i dorëzojnë listat e pagesave me saktësi në formë fizike dhe elektronike në Sekretaritin e KQZ-së.