Von der Leyen, Osmanit: Po punon shumë për të ardhmen evropiane të Kosovës

Presidentja e Komisionit Evropian, Ursula von der Leyen, po qëndron për vizitë zyrtare në Kosovë. 

Mëngjesin e sotëm, ajo u takua me presidenten Vjosa Osmani, raporton IndeksOnline.

Pas takimit, von der Leyen u shpreh se Osmani po punon për të ardhmen evropiane të Kosovës, teksa prioritet i saj do të jetë zgjerimi i BE-së.

“E dashur Vjosa Osmani, ju po punoni shumë për të ardhmen evropiane të Kosovës.

Zgjerimi do të mbetet një prioritet kryesor për mua. Jam e përkushtuar për një të ardhme ku të gjashtë partnerët e Ballkanit Perëndimor janë pjesë e BE-së” u shpreh von der Leyen përmes një postimi ne “X”.

Pas takimit me Osmanin, presidentja e KE-së do të takohet me kryeministrin Albin Kurti.

Këto takime po vijnë në vazhdën e turit Ballkanik të von der Leyen, e cila paraprakisht qëndroi në Shqipëri, Maqedoni të Veriut, Serbi dhe Bosnje e Hercegovinë. /IndeksOnline/

Dear @VjosaOsmaniPRKS, you are putting a lot of hard work into Kosovo’s European future.

Enlargement will remain a top priority for me.

I’m committed to a future where all six Western Balkan partners are part of the EU. pic.twitter.com/ljFBGwYseP

— Ursula von der Leyen (@vonderleyen) October 26, 2024