Votat e diasporës tërhiqen nga postat e shpejta nën përcjellje të policisë (Video)
![](https://indeksonline.net/wp-content/uploads/2021/02/votat-transporti-bartja-policia.png)
Ekipet e Komisionit Qendror të Zgjedhjeve, të asistuar nga Policia e Kosovës kanë bërë pranimin e kontingjentit të tretë të pakove me fletëvotimeve të diasporës nga dy posta të shpejta në kryeqytet.
IndeksOnline ka siguruar pamje nga bartja e votave të diasporës të cilat janë të siguruara nga Policia e Kosovës.
Thasë të shumtë me vota janë futur nëpër makinat zyrtare të KQZ-së dhe janë transferuar më pas në objektin e caktuar.
Kryeshefi Ekzekutiv i Sekretariatit të KQZ-së, Burim Ahmetaj ka bërë të ditur se vetëm me 6 shkurt dhe 8 shkurt është bërë pranimi i më shumë se 5 mijë pakove nga diaspora me fletëvotime.
Sipas tij, pakot do të jenë në mbrojtje të Policisë së Kosovës në Ministrinë e Infrastrukturës, ku do të jenë edhe në mbikëqyrje të kamerave dhe me 14 shkurt, pra ditën e zgjedhjeve, do të dërgohen në Qendrën e Numërimit të Votave për verifikim.
Rikujtojmë se mbi 100 mijë persona janë regjistruar si votues në diasporë./IndeksOnline/