Votojnë Glauk Konjufca dhe Albulena Haxhiu

Kandidatja e Grave për Vetëvendosje, Albulena Haxhiu, ka votuar për zgjedhjet e brendshme në VV.

Ajo, përmes një postimi në Facebook, ka thënë se sot është një ditë e demokracisë, ku secili anëtar i këtij subjekti ushtron të drejtën të vendosë për struktura të reja në parti.

“Sot është ditë e demokracisë në Lëvizjen VETËVENDOSJE!, ku secili prej nesh, si anëtarë të Lëvizjes, ushtrojmë të drejtën tonë për të vendosur për organe e struktura të reja dhe për përfaqësuesit tanë”, ka shkruar Haxhiu në Facebook.

Ajo i ka ftuar të gjithë anëtarët të shfrytëzojnë të dretjën e votimit dhe të bëhen pjesë e vendimmarrjes, “për të vendosur jo vetëm për lëvizjen, por edhe për vendin përmes votimit të tyre në organizatën politike më të madhe në vend”.

Haxhiu tha se përmes organizatës së gruas do ta çojnë në një nivel tjetër betejën për barazi gjinore.

“Sivjet për herë të parë po themelojmë edhe organizatë atë të rinisë dhe gruas. Përmes organizatës së gruas, do të çojmë në një nivel tjetër betejën tonë për barazi shoqërore e gjinore”.

Anëtari i Vetëvendosjes Glauk Konjufca ka votuar për zgjedhjet e brendshme të këtij subjekti politik.

Konjufca nuk ka kandiduar për ndonjërën pozitë për të cilën votohet sot në VV, njofton Klankosova.tv

Kujtojmë se sot Vetëvendosje voton për kryetar të subjektit, për kryetar të organizatës Gratë për Vetëvendosje deh kryetar për organizatën Rinia për Vetëvendosje dhe organet e njëjta në nivel të qendrës.