Vuçiq: Serbia nuk mund ta pranojë pavarësinë e Kosovës

Presidenti i Serbisë, Aleksandar Vuçiq, pas takimit me kryeministrin e Republikës së Kosovës, Albin Kurti dhe 5-shën ndërkombëtare ka thënë se Serbia nuk mund ta pranojë pavarësinë e Kosovës.

Vuçiq tha se në bisedimet në Bruksel kanë  biseduar për të gjitha temat dhe marrëveshjet.

Ai, në një konferencë për media pas përfundimit të takimit disa orësh, ka theksuar ka thënë qartë se Serbia nuk mund ta pranojë anëtarësimin e Kosovës në OKB apo pavarësinë e Kosovës.

“Ne shprehëm besimin tonë në letrën që nënshkruam në Beograd më 21 tetor se është një bazë e mirë për të vazhduar punën në të ardhmen e vetmja rezervë, ka të bëjë me anëtarësimin e Kosovës në OKB, pavarësinë e Kosovës”, tha Vuçiq pas takimit.

Siç tha ai, Beogradi është plotësisht i përgatitur për formimin e Asociacionit të Komunave Serbe.