Vuçiq takohet sot në Bruksel edhe me Lajçakun

Presidenti i Serbisë, Aleksandar Vuçiq përveç takimit me sekretarin e NATO-s, Jens Stoltenberg, sot në Bruksel do të zhvillojë takim edhe me ndërmjetësuesin e BE-së, të dialogut Kosovë-Serbi, Miroslav Lajçak.

Ky takim vie, si rezultat i zhvillimeve që pasuan me veriun në Kosovë, derisa sot, për këtë çështje është veçse duke vazhduar një takim me kryenegociatorëve të të dyja palëve.

Më 10 korrik, Bashkimi Evropian dhe Kosova ranë dakord për një sërë hapash që Kosova duhet t’i ndërmarrë si pjesë e veprimeve për të shtensionuar situatën e krijuar në veri të vendit.