13:54 / E Shtunë, 16 Maj 2020 / indeksADMonline

Vushtrria Guide, platforma digjitale e promovimit të fshatrave të Vushtrrisë

Këtë muaj shtë lansuar platforma digjitale e krijuar nga kompania “Light Films” e drejtuar nga Berat Mernica. Projekti ka për qëllim promovimin e qytetit të Vushtrrisë, e në veçanti të fshatrave të këtij qyteti. Projekti nisi të realizohet në ditët e para të pandemisë Covid-19.

“Vushtrria Guide” është një guide digjitale e cila funksionon përmes materialeve të filmuara dhe të fotografuara me dron të fshatrave të komunës së Vushtrrisë.

Videot do të publikohen çdo të diel, në faqen e Facebookut. Për t’u kompletuar si projekt është planifikuar që shumë shpejt të lansohet edhe ueb faqja për këtë guide digjitale.

“Një prej qëllimeve kryesore të këtij projekti të nisur si vet-iniciativë vullnetare është që qyteti i Vushtrrisë së bashku me bukuritë e fshatrave përreth të shërbejë për turistët si opsion për t’i vizituar bukuritë që ka ky qytet me rrethinë”, thotë Berat Mernica.

Këtu mund t’i shihni fshatrat që deri më tani janë publikuar:

Fshati Karaçë

Fshati Pantinë

Fshati Studime

Fshati Kurillovë

Fshati Gumnishtë

Fshati Dobërllukë

Fshati Boshlan

Ndërsa fshatrat tjera janë duke u planifikuar të publikohen çdo javë.

Kulla e heroit Azem Galica