75 Mall Live Search
17:29 / E Mërkurë, 05 Qershor 2019 / indeksADMonline

Wolanski gjobitet 15.000 euro, por fitoi 3.5 milionë euro

Të shtunën që lamë pas është zhvilluar finalja e Ligës së Kampionëve në mes të Liverpoolit dhe Tottenham në stadiumin “Wanda Metropolitano” në Madrid.

Në gjysmë të pjesës së parë, modelja e Instagramit, Kinsey Wolanski kapërceu rojet e sigurisë dhe u fut në fushë, e veshur vetëm me një rroba banje të zezë që lexonte “Vitaly Uncensored”, shkruan Indeksonline.

Më vonë u zbulua se marifeti i saj në ndeshjen më të rëndësishme të vitit ishte një reklamë e madhe për një faqe pornografike me të njëjtin emër, e drejtuar nga i dashuri i saj Vitaly Zdorovetskiy.

Wolanski u mor dhe u arrestua nga policia në Madrid, para se të lirohej menjëherë.

Të mërkurën, Marca raportoi se modelja ishte gjobitur vetëm 15,000 € për veprimin e saj.

5.000 euro u dënua për futje në fushë dhe 10.000 euro tjera ishin për reklamim ilegal të ‘Vitali Uncensored’.

Ky është një biznes shumë i zgjuar, duke pasur parasysh se blerja e reklamave rreth finales së Ligës së Kampionëve do të kushtonte 3.5 milionë euro. /IndeksOnline/