19:47 / E Martë, 14 Maj 2019

Xhamisë i vihet flaka në kohë të iftarit

Një xhami në shtetin Konektikat të ShBA-ve ka pësuar dëme të mëdha pasi një sulmi me zjarrvënie.

Xhamia e cila ishte pronë e shërbimeve fetare të komunitetit turk, u përfshi në flakë të dielën në mbrëmje, kur besimtarët myslimanë ishin duke bërë iftar në shtëpitë e tyre.

Autoritetet policore kanë ofruar një shpërblim prej $2,500 për këdo që jep informacione lidhur me agresorët.

Në një deklaratë të tyre, thuhet se zjarri nisi nga hyrja e xhamisë dhe përfshiu atë deri në katin e tretë.

Nuk është raportuar asnjë humbje jete apo lëndim, por xhamia ka pësuar dëme të mëdha. Gjithashtu, sasia e madhe e ujit e përdorur për të shuar zjarrin ka shkaktuar dëme në pjesën e padjegur.

Muslimanët në ShBA përballen me shënjestrim të sulmeve të motivuara nga urrejtja, thonë raportet e FBI-së të publikuara në 2018-n.

Shënjestrimi ndaj tyre ka rrënjën 18 vjet më parë, kur vendi u trondit nga sulmet më të rënda terroriste që kanë prekur ndonjëherë tokën amerikane.