Xherdan Shaqiri debuton me shkëlqim për Chicago Fire, shpallet lojtari i ndeshjes
Xherdan Shaqiri ka debutuar më në fund për skuadrën e tij të re, Chicago Fire në elitën e futbollit amerikan MLS.
Kampionati amerikan ka startuar në edicionin 2022, derisa skuadra e yllit nga Kosova, Chicago Fire ka luajtur në udhëtim te Inter Miami.
Shaqiri e nisi ndeshjen nga minuta e parë, ku Fire morën një barazim në udhëtim pasi takimi u mbyll ashtu siç filloi me rezultat të pastër 0-0.
30-vjeçari ka qenë më i miri në fushë dhe nga është shpallur edhe lojtari i ndeshjes pas përfundimit të saj.
Gjilanasi pati 69 për qind të pasimeve të sakta, bëri shtatë krosime, krijoi një rast të madh për bashkëlojtarët, si dhe tentoi me dy goditja ku njëra nga to ishte brenda kuadratit.
MOTM goes to @XS_11official 👏#cf97 | @Heineken pic.twitter.com/xrE3YrXivl
— Chicago Fire FC (@ChicagoFire) February 27, 2022
Ish-anëtari i Bayern Munich, Liverpool e Inter dhuroi spektakël në fushë, pasi ishte i pandalshëm nga mbrojtja e Inter Miami.
Ope! Just gonna sneak right by ya there. pic.twitter.com/wql0nf69To
— Chicago Fire FC (@ChicagoFire) February 27, 2022
