Xheri e mërzitur për Cekën: Do të më mungosh shumë

Vdekja e Fikrije Ukellit-Cekës, e ka mërzitur prezantuesen e njohur televizive, Xheraldina Vulën. Me një shkrim në Facebook, Xheri ka kujtuar Cekën si një profesioniste të madhe të kuzhinës.

“Ceka na la. Partnerja ime e ‘Diçka po zihet’ për 15 vjet me radhë nuk e përballoi sulmin e tmerrshem të covidit-19. Kuzhina televizive shqiptare kurrë më nuk do të jetë njësoj pa ty Ceko. Ke vënë themelet e një kuzhine fantastike sa tradicionale aq dhe moderne.

Librat e tu janë ne çdo shtëpi aty ku dëshirohet të hahet mirë. Do të më mungosh shumë Ceko!”, shkruan Xheraldina Vula në postim./Indeksonline/