Xheva zyrtarizon garën për Vushtrrinë

Xhevahire Izmaku nga Nisma Socialdemokrate  ka shpallur zyrtarisht kandidaturën  për kryetare të Komunës së Vushtrrisë.

Izmaku pas shpalljes së kandidaturës ka thënë se me shumë përvojë dhe pasion për këtë qytet dhe duke qenë me vite zëri i tyre në parlament, tash do të fokusohet që t’i shërbejë Vushtrrisë plotësisht.

“Do të punoj që Vushtrria të jetë një vend ku çdo qytetar ndihet i dëgjuar dhe ka mundësi për të ardhmen e tij dhe të familjes. Ftoj çdo njëri prej jush të bashkohemi në këtë rrugëtim – së bashku ta bëjmë Vushtrrinë tonë qytet në shërbim dhe jetë të mirë të të gjithë njerëzve, jo të individëve”, ka thënë Izmaku.

Postimi i plotë i Izmakut:

Të dashur bashkëqytetarë, anëtarë dhe mbështetës të Nismës Socialdemokrate,

Mbrëmë në Vushtrri, me praninë e kryetarit Fatmir Limaj, miqve dhe familjarëve, si dhe strukturës së degës së Nismës, shpalla zyrtarisht kandidaturën time për Kryetare të Komunës.

Me shumë përvojë dhe pasion për këtë qytet dhe duke qenë me vite zëri i saj në parlament, tash dua t’i shërbej Vushtrrisë plotësisht dhe drejtpërdrejt.

Do të punoj që Vushtrria të jetë një vend ku çdo qytetar ndihet i dëgjuar dhe ka mundësi për të ardhmen e tij dhe të familjes.

Ftoj çdo njëri prej jush të bashkohemi në këtë rrugëtim – së bashku ta bëjmë Vushtrrinë tonë qytet në shërbim dhe jetë të mirë të të gjithë njerëzve, jo të individëve!

Për Vushtrrinë që e duam