Ylber Ramadani po bëhet me agjent të ri, raportohet se ka arritur marrëveshje me “Lian Sports”
Paraqitjet e mira me Kombëtaren shqiptare, kanë bërë që Ylber Ramadani të jetë në qendër të merkatos këtë verë. Mesfushori kuqezi është në ‘shënjestrën’ e disa ekipeve në Serie A, por jo vetëm.
Performancat e tij fantastike me Shqipërinë nuk kanë tërhequr vetëm vëmendjen e klubeve, por edhe të agjentëve. Pikërisht këta të fundit, mesfushori i Leçes do t’i ndryshojë.
Edhe pak ditë na ndajnë nga përfundimi i kontratës së Ramadanit me agjentët aktual, teksa do të nënshkruajë kontratën e re me agjentin e njohur shqiptar, Fali Ramadanin. Ky i fundit është një nga drejtuesit e LIANSports Group dhe njihet ndërkombëtarisht.
Ylber #Ramadani pronto ad affidarsi al LIAN Sports Group di Fali Ramadani. Nelle prossime settimane verrà formalizzata la decisione
— Filippo Verri (@VerFilippo) July 6, 2024
Për Fali Ramadanin ky do të ishte lojtari i dytë i Leçes që do të merrte si klient, pasi ka të tijin edhe Medon Berishën, mesfushorin tjetër të Kombëtares kuqezi.
Agjenti shqiptar ka edhe lojtarë të tjerë të njohur si klientë të tij, duke përmendur këtu Federico Chiesa, Nikola Milenkovic, Kalidou Kolibaly, ish-portieri i Chelseat Edouard Mendy, Nedim Bajramin apo edhe sulmuesin e Milanit, Luka Jovic.
