Ylli i Hollywood-it drejt divorcit

Ylli i Hollywood-it Sylvester Stallone dhe gruaja e tij prej 25 vjetësh po shkojnë drejt divorcit.

Modelja 54-vjeçare Jennifer Flavin paraqiti një peticion “për zgjidhjen e martesës dhe lehtësime të tjera” në një gjykatë në Florida të premten.

Në një deklaratë për People, Stallone, i cili ka vajzat Scarlet, 20, Sistine, 24 dhe Sophia, 25, me gruan e tij, tha se ata po i trajtojnë miqësisht dhe privatisht çështjet personale.

Çifti festoi përvjetorin e tyre të argjendtë të martesës në fillim të këtij viti.

Aktori 76-vjeçar, i cili gjithashtu ka Seargeoh, 43, me aktoren Sasha Czack, si dhe një djalë tjetër, Sage, i cili vdiq në vitin 2012, shkroi në mediat sociale në atë kohë për të festuar këtë histori.

“Gëzuar 25 vjetorin për gruan time të mrekullueshme. Nuk ka fjalë të mjaftueshme për të përshkruar se çfarë do të thotë kjo grua e përkushtuar, e durueshme, tepër vetëmohuese për jetën tonë dhe do të dëshiroja vetëm që ato të mund të ishin edhe 25! Faleminderit zemër!”, shkroi Stallone në Instagram.

Jennifer gjithashtu festoi përvjetorin e tyre të argjendtë të martesës në rrjetet sociale. Krahas koleksionit të saj të fotografive, ajo shkroi: “Gëzuar 25 vjetorin e martesës për ne!

Modelja gjithashtu pohoi se martesa e tyre “po bëhej më e mirë çdo vit”.

Megjithatë, postimi i përzemërt u hoq pak para se të dilte se çifti, i cili u takua për herë të parë në një restorant në Beverly Hills, Kaliforni, në vitin 1988, po shkon drejt divorcit pas 25 vjet martesë.