Zbulohet arsyeja pse Trump anuloi takimin me Putinin

SHBA-të kanë anuluar një samit të planifikuar midis presidentit Donald Trump dhe presidentit rus Vladimir Putin pas qëndrimit të vendosur të Rusisë ndaj kërkesave të ashpra në lidhje me Ukrainën, raportoi të premten “Financial Times” (FT).

Vendimi erdhi pas një bisede telefonike të tensionuar midis diplomatëve më të lartë të të dy vendeve, raportoi “Financial Times”, duke cituar njerëz të njohur me çështjen.

Reuters-i nuk mundi ta konfirmonte raportin e “FT”-së. Shtëpia e Bardhë nuk iu përgjigj menjëherë një kërkese për koment dhe zyrtarët e qeverisë ruse nuk ishin menjëherë të disponueshëm.

Planet për një samit në Budapest këtë muaj midis Trumpit dhe Putinit u shtynë pasi Moska u qëndroi besnike kërkesave të saj, duke përfshirë që Ukraina të lëshonte më shumë territor si kusht për një armëpushim. Trump mbështeti thirrjen e Ukrainës për një armëpushim të menjëhershëm përgjatë vijave aktuale të frontit.

Disa ditë pasi Trump dhe Putin ranë dakord të takoheshin në kryeqytetin hungarez për të diskutuar se si t’i jepnin fund luftës së Rusisë në Ukrainë./Indeksonline/