Zbulohet një laborator i drogës në veriun e Mitrovicës

Policia e Kosovës ka zbuluar një laborator të drogës në veriun e Mitrovicës, ka treguar ministri i Punëve të Brendshme, Xhelal Sveçla.

Ai në një postim në Facebook ka thënë se ky zbulim është edhe një sukses i policisë.

“Ky është aksioni i dytë i suksesshëm i Policisë në veriun e vendit vetëm brenda kësaj jave pas atij për bllokimin e rrugëve të kontrabandës”.

Postimi i plotë në Facebook:

Sot u shënua edhe nje sukses i Policisë së Kosovës.

Gjatë aksionit të Policisë së Kosovës zbulohet edhe nje laborator droge në veriun e Mitrovicës dhe mbi 30 kg lëndë narkotike marihuanë teksa dy të dyshuar shtetas të Kosovës me etni serbe janë arrestuar.

Ky është aksioni i dytë i suksesshëm i Policisë në veriun e vendit vetëm brenda kësaj jave pas atij për bllokimin e rrugëve të kontrabandës. Ashtu siç jemi zotuar se do të luftojmë kriminalitetin në çdo cep të Republikës do të vazhdojmë pa pushim, pa kompromis. Vendi ynë do të bëhet vend i qetë dhe i sigurt për gjithë qytetarët e saj.