Zbulojeni se cila është mosha mesatare e martesës në të gjithë botën

Martesa është një nga vendimet më të rëndësishme në jetë dhe rrallë ka të bëjë vetëm me dashurinë. Stabiliteti financiar, pjekuria emocionale, karriera dhe pritjet shoqërore luajnë të gjitha një rol të madh në vendimin se kur të martoheni.

Ndërsa në disa kultura martesa ende konsiderohet si një kalim në moshën madhore dhe ndodh shumë herët, në të tjera ajo vonohet deri në fund të të tridhjetave, sipas të dhënave nga World Population Review.

Në Kolumbi marrëdhëniet paramartesore nuk pranohen shoqërisht, prandaj martesa shpesh konsiderohet si forma e vetme legjitime e marrëdhënies. Kjo rezulton në martesë shumë të hershme. Zakonisht çiftet martohen në moshën 18-vjeçare.

Rritja e kostove të jetesës në Iran, papunësia dhe kriza e strehimit kanë çuar në shtyrjen e martesës. Pavarësisht kësaj, martesa ende konsiderohet një hap i rëndësishëm shoqëror. Mesatarja e moshës së martesës në këtë shtet është 24 vjeç.

Në Kinë, sidomos për burrat, të paturit e një shtëpie shpesh konsiderohet si parakusht për martesë. Për shkak të çmimeve të larta të pasurive të paluajtshme në qytetet e mëdha, martesa po shtyhet gjithnjë e më shumë. Martesa bëhet mesatarisht në moshën 26 vjeçe.

Në Rusi, paqëndrueshmëria ekonomike dhe kostoja e jetesës e bëjnë të vështirë martesën e hershme. Megjithatë, presioni shoqëror për t’u martuar deri në një moshë të caktuar ende ekziston. Mosha mesatare e martesave është 26 vjeç.

Ndërsa komunitetet ortodokse kanë tendencë të martohen më herët, hebrenjtë laikë dhe ortodoksë modernë martohen më shpesh në fund të të njëzetave ose në fillim të të tridhjetave në Izrael, shkruan Indeksonline.

Në Amerikë, bashkëjetesa pa martesë është pranuar gjerësisht, dhe kostot e larta të arsimit dhe strehimit e vonojnë më tej martesën. Martesa e mëvonshme shpesh shihet si shenjë pjekurie. Mosha mesatare e martesave është 31 vjet.

Arsimi i gjatë dhe hyrja e ngadaltë në tregun e punës ndikojnë në martesën e mëvonshme. Për shumë çifte, martesa nuk është më një domosdoshmëri, por një mundësi në Itali ku mosha mesatare është 34 vjeç.

Orari i gjatë i punës dhe kostot e larta të jetesës lënë pak hapësirë ​​për jetën private. Martesa shihet si një zgjedhje, jo si një detyrim në Kore të Jugut ku mosha mesatare është 37 vjeç.

Në Spanjë shumë çifte jetojnë së bashku për vite me radhë pa u martuar zyrtarisht. Martesa shpesh shihet si e panevojshme, duke e bërë Spanjën një nga vendet me moshën mesatare më të lartë të martesës. Mosha mesatare e martesës në Spanjë është 39 vjet./Indeksonline/