Zemaj i LDK-së: Bllokada lidhet rreth formimit të qeverisë, VV-ja s’i ka numrat

Deputeti i LDK-së, Armend Zemaj, ka akuzuar Lëvizjen Vetëvendosje se qëllimisht po e zvarrit konstituimin e Kuvendit të Kosovës.

Sipas Zemajt, vonesat në konstituim lidhen drejtpërdrejt me mungesën e numrave për formimin e qeverisë nga kryeministri në detyrë, Albin Kurti.

“Konstituimi po zgjat përtej arsyeshmërisë. Çështja është te numrat për qeveri dhe VV-ja nuk është e interesuar deri të kalojmë në një momentum tjetër deri sa ta ka një siguri që ka numra për krijimin e qeverisë. E gjithë kjo bllokadë lidhet rreth formimit të qeverisë”, ka thënë ai.